धुळे, दि. 8 :- शिंदखेडा वन परिक्षेत्रांतर्गत
असलेल्या लामकानी रोपवाटिकेस जिल्हाधिकारी अण्णासाहेब मिसाळ यांनी आज भेट
दिली. त्यांचे समवेत उपविभागीय अधिकारी विठ्ठल सोनवणे, तहसिलदार दत्ता शेजूळ, जलयुक्त शिवार अभियान
सदस्य डॉ. धनंजय नेवाडकर, वृक्षमित्र वसंतराव ठाकरे आदी उपस्थित होते.
रोपवाटिका परिसरातून जाणाऱ्या नाल्यावर सिमेंट
नाला बांध बांधण्यात यावा व वाहून
जाणाऱ्या पाण्याचा साठा करून त्याचा उपयोग रोपवाटिकेसाठी करण्यात यावा, अशी सूचना
जिल्हाधिकारी अण्णासाहेब मिसाळ यांनी दिली.
यावेळी शिंदखेडा वनक्षेत्रपाल पी. ए. पाटील
यांनी लामकानी रोपवाटिकेतील रोपांच्या बाबत माहिती दिली. या रोपवाटिकेचे क्षेत्र एक हेक्टर असून या
रोपवाटिकेतील सिताफळ, अंजन, खैर, निम, आवळा आदी रोपांची जिल्हाधिकारी अण्णासाहेब
मिसाळ यांनी पाहणी केली. यावेळी वनपाल
सविता पाटील, वनरक्षक सुवर्णा उशिरे तसेच वन कर्मचारी उपस्थित होते.
000000
कोणत्याही टिप्पण्या नाहीत:
टिप्पणी पोस्ट करा