10 वी परीक्षेच्या प्रवेशपत्रांचे उद्या वाटप

मुंबई, दि. 9 : माध्यमिक शालांत प्रमाणपत्र परीक्षा, (इ. 10) मार्च, 2012 मध्ये प्रविष्ठ होणाऱ्या विद्यार्थ्यांच्या प्रवेशपत्रांचे शनिवार दिनांक 11 फेब्रुवारी 2012 रोजी सकाळी  10 ते सायं. 5 या वेळेत मंडळाने निर्धारित केलेल्या वितरण केंद्रावर वाटप करण्यात येणार आहे.

        या निर्धारित केंद्रांवरुन विद्यार्थ्यांची प्रवेश पत्रे, विज्ञान प्रात्यक्षिक परीक्षेचे साहित्य, तोंडी परीक्षेच्या कोऱ्या उत्तरपत्रिका, गुणपत्रिका व हजेरीपत्रक आणि श्रेणी गुणपत्रिका या साहित्याचे वाटप करण्यात येणार आहे.

        सर्व माध्यमिक शाळाप्रमुखांनी हे साहित्य घेऊन जाण्यासाठी जबाबदार व्यक्तिस (शिपायाव्यतिरिक्त) अधिकारपत्रासह पाठविण्यात यावे आणि अधिकारपत्रामध्ये आपल्या शाळेतील येणाऱ्या प्रतिनिधीच्या नावाचा उल्लेख करावा, असे विभागीय सचिव, महाराष्ट्र राज्य, माध्यमिक व उच्च माध्यमिक शिक्षण मंडळ, मुंबई विभागीय मंडळ, वाशी यांनी कळविले आहे.

000

बोदवाड येथे ग्राम न्यायालयाची स्थापना

मुंबई, दि. 9 : शासनाने जळगाव जिल्ह्यातील ता. बोदवाड, गाव बोदवाड येथे दि. 22 जानेवारी 2012 पासून ग्राम न्यायालयाची स्थापना केली आहे. भुसावळ न्याय दंडाधिकारी (प्रथम वर्ग) यांच्या अधिकार क्षेत्रातील खालील गावातील दिवाणी व फौजदारी दावे            22 जानेवारी 2012 पासून न्यायाधिकारी, ग्राम न्यायालय बोदवाड, जिल्हा जळगाव येथे वर्ग झाले आहेत.

       गावांची नावे पुढीलप्रमाणे :

          मानमोडी, सुरवाडा बुद्रुक, सुरवाडा खुर्द, मुक्तल, बोरगाव, वाकी, पळसखेड, शेलवाड, बोदवाड, वराड बुद्रुक, वराड खुर्द, जलचक्र बुद्रुक, जलचक्र खुर्द, गोडेगाव खुर्द, बोडेगाव बुद्रुक , धानोरी, विचावा, सालसिंगी, जुनोना, फरकंडा, सोनोती, नादगाव, नंदगाव, अमडगाव, हिंगणे, शिरसाळा, कोल्हाडी, चिंचकेड सीम, राजूर, वरखेड खुर्द,  वरखेडे बुद्रुक, पळसखेड, एइंगाव, धनखेडा, निमखेड, चिखेड परगने, वडजी, चिखली, शेवगा, मनुर बुद्रुक, मनुर खुर्द, कुऱ्‍हा हार्डो, धोंडखेड, जामठी, लोनवडी, येवती, राऊतझिरा, रेवती, चिखली बुद्रुक, गोरखेडे, बानखेडे, करंजी, पाचदेवळी, हरणखेडा इ. गावातील दिवाणी व फौजदारी दावे बोदवाड ग्राम न्यायालयाकडे वर्ग झाले आहेत.

0 0 0 0

12 वी परीक्षा बैठक व्यवस्था पुस्तिकेचे सोमवारी वाटप

मुंबई, दि. 9 : उच्च माध्यमिक प्रमाणपत्र परीक्षा (इ. 12 वी) फेब्रु./मार्च 2012 च्या बैठक व्यवस्थेच्या पुस्तिकेचे वाटप सोमवार दिनांक 13 फेब्रुवारी 2012 रोजी  सकाळी 11 ते सायं 5 या वेळेत खालील वितरण केंद्रांवर करण्यात येणार आहे.

        मुंबई- 31, 32, 33- डॉ. ॲन्टोनिओ डिसिल्वा हायस्कूल ॲण्ड ज्युनिअर कॉलेज ऑफ कॉमर्स, एस. के. बोले रोड, दादर (प.), मुंबई 28 ; ठाणे-16-       न्यू इंग्लिश स्कूल , घंटाळी रोड, नौपाडा, ठाणे ; नवी मुंबई - 16- मुंबई विभागीय मंडळ वाशी, नवी मुंबई ;  रायगड- 17 - पेण प्रायव्हेट हायस्कूल, मु. पो. ता. पेण. या वितरण केंद्रांवर या पुस्तिकेचे वाटप करण्यात येणार आहे.

        या जिल्ह्यातील मान्यताप्राप्त कनिष्ठ महाविद्यालय प्रमुखांनी आपल्या प्रतिनिधीस अधिकार पत्रासह पाठवून  (शिपाई वगळून) बैठक व्यवस्थेची पुस्तिका घेऊन जावी,  असे विभागीय सचिव, महाराष्ट्र राज्य माध्यमिक व उच्च माध्यमिक शिक्षण मंडळ, मुंबई विभागीय मंडळ, वाशी यांनी कळविले आहे.

000

महाराष्ट्र आणि इस्त्रायल यांचे घनिष्ट भावनिक संबंध --ॲलॉन उश्पीझ्

मुंबई, दि. 9 : भारतात राहणाऱ्या ज्यू समाजापैकी बहुसंख्य ज्यू महाराष्ट्रात वास्तव्यास असल्याने इस्त्रायलचे महाराष्ट्राबरोबर घनिष्ठ भावनिक संबंध आहेत, असे प्रतिपादन इस्त्रायलचे भारतातील नवनियुक्त राजदूत ॲलॉन उश्पीझ् यांनी काल येथे केले.

          नवनियुक्त राजदूत ॲलॉन उश्पीझ् यांनी काल राजभवन येथे राज्यपाल                  के. शंकरनारायणन यांची भेट घेतली त्यावेळी ते बोलत होते. यावेळी इस्त्रायलच्या मुंबईतील महावाणिज्य दूत श्रीमती ओर्ना सॅजीव्ह आणि इतर प्रतिनिधी उपस्थित होते.

          ॲलॉन उश्पीझ् म्हणाले की, भारत आणि इस्त्रायल या देशांचे राजनैतिक संबंध 1992 पासून सुरु  असून दोन्ही देशांतील अनेक क्षेत्रात ते दृढ झाले आहेत. महाराष्ट्रात विदर्भ, राहुरी आणि दापोली येथे इस्त्रायलच्यावतीने तीन प्रकल्प सुरु असून या ठिकाणी शेती उत्पादन वाढविण्याचे प्रशिक्षण शेतकऱ्यांना दिले जाते, अशी माहिती राजदूतांनी यावेळी राज्यपालांना दिली. इस्त्रायल भारतीय विद्यापीठातील विद्यार्थ्यांच्या देवाण-घेवाणीस देखील प्रोत्साहन देते, असेही त्यांनी यावेळी सांगितले.

          इस्त्रायलच्या मुंबईतील महावाणिज्य दूत श्रीमती ओर्ना सॅजीव्ह यांनी इस्त्रायलमध्ये महाराष्ट्रातून स्थलांतरीत झालेल्या भारतीय ज्यू जनतेची मुले मराठी भाषेत बोलतात, अशी माहिती यावेळी दिली.

          राज्यपाल के. शंकरनारायणन यांनी नवनियुक्त राजदूतांच्या भारतातील कारकिर्दीत भारत आणि इस्त्रायल देशांचे संबंध अधिक दृढ होतील, असा विश्वास व्यक्त केला.

000

पालकमंत्र्याच्या अध्यक्षतेखाली जिल्हा दक्षता समिती स्थापन

धुळे दि.9 :-पालकमंत्र्यांच्या शिफारशीनुसार  जिल्हयात नव्याने  जिल्हापातळीवर दक्षता समिती स्थापन करण्यात आली असून  त्यात खालील शासकीय सदस्य व अशासकीय सदस्य राहणार आहेत. . अशासकीय सदस्याची नियुक्ती ही नियुक्तीच्या दिनांकापासुन तीन वर्षापावेतो अथवा जागी त्यांचे जागी नविन अशासकीय सदस्यांची नियुक्ती होई पावेतो यापैकी जी मुदत आधी असेल तो पावेतो राहील असेही ओदशात म्हटले आहे.

      जिल्हयाचे पालकमंत्री हे जिल्हा दक्षता समितीचे अध्यक्ष असुन जिल्हाधिकारी  प्रकाश महाजन हे उपाध्यक्ष राहणार आहेत. . दक्षता समितीतील सदस्य पुढील प्रमाणे असून त्यात  श्री.काशिनाथ पावरा,विधानसभा सदस्य शिरपुर,श्री.योगेश रेशमा भोये,विधान सभा सदस्य साक्री, श्री.अमरिशभाई रसिकलाल पटेल,विधानपरिषद सदस्य,तसेच जिल्हा परिषद अध्यक्ष, जिल्हा खरेदी विक्री संघाचे अध्यक्ष, जिल्हा मध्यवर्ती सह बॅक धुळे व नंदुरबार,अप्पर जिल्हाधिकारी ,उप निबंधक तसेच जिल्हा माहिती अधिकारी आदि सदस्य दक्षता समितीत आहेत.

      दक्षता समितीत महिला प्रतिनिधी श्रीमती.संजीवनी सिसोदे, महिला सदस्य श्रीमती.ललीता सुरेश देसेले,सदस्य विरोधी पक्ष श्री.सतिश रामराव पाटील,सदस्य विरोधी पक्ष श्री.मगन राजाराम पाटील,अनुसूचित जाती सदस्य श्री.हिरामण रतन बैसाणे,अनुसूचित जमाती सदस्य श्री.शंकर हिलाल ठाकरे,दुकानदार संघटना प्रतिनिधी श्री.पंढरीनाथ सिसोदे,ग्रामीण चळवळ प्रतिनिधी श्री.मनोहर रामचंद्र पाटील, व सदस्य सचिव जिल्हा पुरवठा अधिकारी हे राहतील.

0000

      

गर्भलिंग तपासणी करतांना आढळल्यास संबधीत सोनोग्राफी सेटरवर कायदेशीर कारवाई करणार :-जिल्हाधिकारी प्रकाश महाजन

धुळे दि.9 :- महानगरपालीका क्षेत्रातील मोठया प्रमाणात असलेल्या सोनोग्राफी सेंटर मध्ये आजही सर्रास गर्भधारणापुर्व व प्रसवपूर्ण लिंग निदान तपासणी होत असून अशा केंद्राची ज्यावेळी मी स्वत: तपासणी करणार त्यावेळी त्रुटी आढळल्या तर मनपाच्या अधिका-यासोबतच सोनोग्राफी सेन्टरवर एफआयआर दाखल करणार असल्याचे प्रतिपादन जिल्हाधिकारी प्रकाश महाजन यांनी नुकतेच केले आहे.

      जिल्हाधिकारी कार्यालयाच्या सभागृहात जिल्हाधिकारी प्रकाश महाजन यांच्या अध्यक्षतेखाली  नुकतीच जिल्हास्तरीय दक्षता पथक (Task Force) सभेचे आयोजन करण्यात आले होते.यावेळी अप्पर जिल्हाधिकारी डॉ.अशोक करंजकर,जिल्हा शल्यचिकित्सक डॉ.एस.एन लाळीकर, पोलीस निरीक्षक एम.बी.पाटील,मनपा वैद्यकीय अधिकारी डॉ.बी.बी.माळी,डॉ.प्रदीप पाटील,पत्रकार रविंद्र इंगळे,अड.गणेश पाटील,अड.चंद्रकांत चौधरी, डॉ.एस.आर.वाणी सचिन कुंभार उपस्थित होते.

      जिल्हाधिकारी प्रकाश महाजन यावेळी म्हणाले की,धुळे जिल्हयाचा मुलींचा रेषो राज्यात सर्वत्र कमी असून ही गंभीर बाब असुन आजही सुशिक्षीत समाजाला सांगावे लागते की,मुलापेक्षा मुली कधीही चांगल्या असतात.तरीही काही डॉक्टर गर्भलिंग तपासणी करुन समाजाची व आपली फसवणूक करीत आहेत.तरी अशानी आत्मपरिक्षण करावे सर्वत्र काही पैसा नसतो आपली समाजप्रती काही बांधीलकी आहे की नाही हे तपासून पाहिले पाहिजे.आज होणारी चूक उद्या आपल्या घरापर्यत येवू शकते तरी यांचा डॉक्टरानी विचार करावा.असेही त्यांनी यावेळी सांगितले.

      यापुढे जिल्हास्तरीय दक्षता पथकाने सोनोग्राफी सेटरची तपासणी करतांना काटेकोरपणे तपासणी करावी थोडेशी शंका आली तर अशा केंद्राना सिल करावेत व त्यांच्यावर केसेस दाखल कराव्यात अशा सुचनाही त्यांनी यावेळी दिल्या.

      आपल्या प्रास्ताविकात जिल्हा शल्यचिकित्सक डॉ.लाळीकर म्हणाले की,ग्रामीण भागात सोनोग्राफी सेंटर तपासणी करुन काही केंद्रे सील केले असून काहीवर केसेस दाखल केले आहेत.परंतु मनपा क्षेत्रातील सोनोग्राफी सेन्टर मध्ये आजही असे प्रकार होत असून याला प्रतिबध घालण्यासाठी मनपा दक्षता पथकाने योग्य कार्यवाही करुन केसेस दाखल करावेत अशा सुचना देवून तालुक्याचा आढावा घेतला.

00000

कुष्ठरोग्यांनाही समाजाने सन्मानाची वागणुक द्यावी :- जिल्हाधिकारी प्रकाश महाजन

धुळे दि.9 :- कुष्ठरोग ही समस्या पिढयान पिढया हाताळणे कठीण असून पुर्वी कुष्ठरोग्यावर बहिष्कार टाकला जात होता.परंतू भारतासारख्या विकसित देशाला ही चिंतेची बाब असून कुष्ठरोगीही समाजाचा एक घटक असून त्याला सन्मानाची वागणूक मिळणे गरजेचे असल्याचे प्रतिपादन जिल्हाधिकारी प्रकाश महाजन यांनी आज केले.

      आज नवनिर्माण समाजसेवक संघाच्या कुष्ठरोग अभियान योग विद्यावर्घिनी सस्थेच्या रंजना नेवे व प्रतिभा नेवे यांनी लावलेल्या वृक्षांना वृक्षवंदना कार्यक्रमाचे जिल्हाधिकारी प्रकाश महाजन यांच्या हस्ते करण्यात आली.यावेळी वृक्ष मित्र वसंतराव ठाकरे, लखन भतवाल, प्रा.न.म.जैन,अतुल सोनवणे,मुकूंद भावे,प्रभाकर बेंद्रे, डॉ.तिवारी  यावेळी उपस्थित होते.

      कृष्ठधामात जिल्हाधिकारी प्रकाश महाजन यांच्या हस्ते नवीन वृक्ष लागवड करण्यात आली.यावेळी ते मार्गदर्शन करतांना म्हणाले की,समाजात सामाजिक प्रतिष्ठा महत्वाची मानली जाते त्यामुळे कुष्ठरोगासारखा आजार लपवला जातो भारतात कुष्ठरोगाचे प्रमाण कमी होण्यासाठी प्रयत्न होणे गरजेचे आहे.मालेगाव सारख्या शहरात पल्स पोलिओच्या डोस घेण्यासाठी विरोध होतो.तर या रोगाची काय परिस्थिती असेल तरी समाज सेवकांनी सामाजिक भावनेने या रोग्यांना  मुख्य प्रवाहात आणावे . दानशुर व्यक्ती,स्वंयसेवी संस्थानी पुढे येवून अशा आश्रमांना मदत करावी असेही आवाहन जिल्हाधिकारी प्रकाश महाजन यांनी आज केले.

00000

4 मार्च रोजी महा-लोक अदालतीचे आयोजन

धुळे दि.9 :- सदस्य सचिव,जिल्हा सेवा प्राधिकरण,धुळे यांच्या मार्फत दि. 4 मार्च,2012 रोजी कामगार न्यायालय, पत्रकार भवन, साक्री रोड,धुळे येथे महालोक अदालतीचे सकाळी 10-30 वाजता आयोजन करण्यात आले आहे.तरी कामगार न्यायालयात प्रलंबित असलेल्या केसेस ज्यांना महा-लोक अदालत मध्ये ठेवयाच्या असतील त्या सर्व इन्शु कंपनी ,पक्षकार, युनियन प्रतिनिधी,यांनी आपले दावे प्रकरणे तडजोडी साठी संमतीपत्रक दि.1 मार्च,2012 पर्यत कामगार न्यायालय,धुळे येथे भरुन सादर करावे असे न्यायालय अधीक्षक, कामगार न्यायालय,धुळे यांनी एका पत्रकान्वये कळविले आहे.

0000