मुंबई, दि. 24 : प्रजासत्ताक दिनाचा
62 वा वर्धापन दिन सोहळा 26 जानेवारी
2012 रोजी शिवाजीपार्क येथे संपन्न होणार आहे. या सोहळ्याची रंगीत तालीम
शिवाजी पार्क, दादर येथे आज आयोजित करण्यात आली होती.
राष्ट्रध्वज वंदन व संचलन सोहळ्याच्या रंगीत तालमीस
राजशिष्टाचार मंत्री सुरेश शेट्टी, अप्पर पोलीस महासंचालक के. के. पाठक, विशेष पोलीस महानिरिक्षक हेमंत नगराळे, मुख्य राजशिष्टाचार अधिकारी सुमित मलिक,
सह मुख्य राजशिष्टाचार अधिकारी शैलेश बिजूर तसेच पोलीस विभागाचे व अग्निशमन
दलाचे वरिष्ठ अधिकारी उपस्थित होते.
भारतीय नौदल, राज्य राखीव
पोलीस बल क्रमांक- 8, राज्य राखीव पोलीस बल क्रमांक- 11, मुंबई सशस्त्र पोलीस दल,
मुंबई दंगल नियंत्रण पथक, मुंबई रेल्वे पोलीस दल,
बृहन्मुंबई महिला पोलीस दल, सशस्त्र होमगार्ड
(पुरुष/महिला), बृहन्मुंबई वाहतूक पोलीस दल,
राज्य उत्पादन शुल्क, नागरी संरक्षण दल
(पुरुष/महिला), मुंबई अग्निशमन दल, बृहन्मुंबई महानगरपालिका सुरक्षा दल, सी.कॅडेट कोअर
(मुले/मुली), आर. एस. पी. (मुले/मुली), ग्रामविकास विभाग, महाराष्ट्र पर्यटन विकास महामंडळ आणि सार्वजनिक आरोग्य विभाग (चित्ररथ) तसेच कोळी नृत्य, नाशिक
जिल्ह्याचे सोंगी मुखवटे नृत्य, गडचिरोली जिल्ह्यातील आदिवासी नृत्य आणि लावणी या पथकांनी
संचलनात सहभाग घेतला होता.
1 मे 2011 रोजी महाराष्ट्र
राज्याच्या 51 व्या वर्धापन दिनानिमित्त उत्कृष्ट संचलन करणाऱ्या
राज्य राखीव पोलीस बल गट - 8 कंपनी क्र. 1 (प्रथम क्रमांक), राज्य राखीव पोलीस बल
क्र. 8 कंपनी क्र. 2 (द्वितीय क्रमांक), राज्य राखीव पोलीस बल क्र. 11 (तृतीय
क्रमांक) या पथकांना यावेळी गौरविण्यात आले.
0 0 0 0
कोणत्याही टिप्पण्‍या नाहीत:
टिप्पणी पोस्ट करा