मुंबई, दि. 17 : राज्यातील शासकीय औद्योगिक प्रशिक्षण संस्था
म्हणून सहा महिने मुदतीच्या व्यवसाय अभ्यासक्रमासाठी फेब्रुवारी-2012 पासून सुरु
होणाऱ्या सत्राची प्रवेश प्रक्रिया सुरु करण्यात आली आहे. प्रवेश अर्जाची विक्री व
स्वीकृतीची मुदत 20 जानेवारी, 2012 पर्यंत आहे.
याबाबतची माहिती पुस्तिका (प्रवेश अर्ज व प्रवेशाच्या
वेळापत्रकासह) सर्व औद्योगिक प्रशिक्षण संस्थांमधून उपलब्ध करुन देण्यात आली आहे.
या माहिती पुस्तिकेची किंमत सर्वसाधारण उमेदवारांसाठी 30 रुपये व मागासवर्गीय
उमेदवारांसाठी 20 रुपये आहे. इच्छूक उमेदवारांनी ते ज्या तालुक्याच्या किंवा
जिल्ह्याच्या औद्योगिक प्रशिक्षण संस्थेत प्रवेशासाठी पात्र आहेत त्याच औद्योगिक
प्रशिक्षण संस्थेत अचूक, सुस्पष्ट प्रवेश अर्ज विहित मुदतीत सादर करणे आवश्यक आहे.
प्रवेशासंबंधी आवश्यक असलेली माहिती, शैक्षणिक अर्हता, अटी इत्यादी
बाबी माहिती पुस्तिकेत देण्यात आल्या आहेत. अधिक माहितीसाठी नजीकच्या औद्योगिक
प्रशिक्षण संस्थेशी संपर्क साधावा, असे सहायक संचालक, व्यवसाय शिक्षण व प्रशिक्षण
प्रादेशिक कार्यालय, मुंबई यांनी कळविले आहे.
000
कोणत्याही टिप्पण्‍या नाहीत:
टिप्पणी पोस्ट करा