मुंबई, दि. 3 :
विधानपरिषद विरोधी पक्षनेते विनोद तावडे यांनी आज विधान भवन, मुंबई येथील विरोधी
पक्षनेते कार्यालयात येऊन कामकाजाचा प्रारंभ केला. श्री.तावडे यांची नुकतीच नागपूर
हिवाळी अधिवेशन काळात विरोधी पक्षनेतेपदी निवड झाली. विधानभवनातील छत्रपती शिवाजी
महाराजांच्या सिंहासनासधिष्ठित पुतळ्यास त्यांनी सर्वप्रथम पुष्पहार अर्पण
केल्यानंतर विधानपरिषदेचे सभापती शिवाजीराव देशमुख यांची सदिच्छा भेट घेतली.
यावेळी सभापतींनी त्यांना विरोधी पक्षनेते पदाच्या कारकिर्दीसाठी शुभेच्छा दिल्या.
याप्रसंगी विधान मंडळाचे प्रधान सचिव डॉ.अनंत कळसे, वित्तीय सल्लागार सु.सा.गायकवाड,
विशेष कार्य अधिकारी श्रीनिवास जाधव या विधानमंडळ अधिकारीवर्गानेही विरोधी पक्षनेते
विनोद तावडे यांचे स्वागत करुन शुभेच्छा दिल्या.
0 0 0 0
कोणत्याही टिप्पण्या नाहीत:
टिप्पणी पोस्ट करा