मुंबई, दि. 3 : स्त्री
शिक्षण प्रसाराचे महत्वपूर्ण कार्य करणाऱ्या सावित्रीबाई फुले यांच्या जयंती दिनी
तर्कतीर्थ लक्ष्मण शास्त्री जोशी यांनी संपादित केलेला मराठी विश्वकोश खंड तीन
जनतेसाठी उपलब्ध होणे, ही निश्चितच समाधानाची बाब असून माहिती तंत्रज्ञान सारख्या
गतिमान साधनाच्या सहाय्याने हा विश्वकोश युवापिढीने सर्वदूर पोहचवावा, असे
प्रतिपादन मुंबई विद्यापीठाच्या माजी कुलगुरु डॉ. स्नेहलता देशमुख यांनी आज केले.
सोमय्या कॉलेज येथे महाराष्ट्र राज्य विश्वकोश निर्मिती
मंडळाच्या वतीने लक्ष्मण शास्त्री जोशी यांनी संपादित केलेला मराठी विश्वकोश-तीन इंटरनेटवर
लोकार्पण करण्यात आला याप्रसंगी त्या बोलत होत्या. यावेळी नामवंत लेखिका डॉ. विजया
राजाध्यक्षा आणि गायिका डॉ. नेहा
राजपाल, विश्वकोश निर्मिती मंडळाच्या अध्यक्ष डॉ. विजया वाड, विश्वकोश निर्मिती
मंडळाचे सचिव डॉ. किशोर कुलकर्णी तसेच सीडॅकचे संचालक महेश कुलकर्णी यांच्यासह इतर
मान्यवर व संबंधीत अधिकारी उपस्थित होते.
माहिती तंत्रज्ञान देशात विकसित होत असल्याने डिजिटल
विश्वकोशास घराघरात नक्कीच स्थान मिळेल, असा विश्वास डॉ. विजया वाड यांनी यावेळी व्यक्त
केला.
डिजिटल विश्वकोशाच्या तिसऱ्या आवृत्तीची निर्मिती महाराष्ट्र
राज्य मराठी विश्वकोश िनर्मिती मंडळाने सेंटर फॉर डेव्हल्पमेंन्ट ऑफ
ॲडव्हान्स कॉम्प्युटिंग यांच्या सहाय्याने
केली आहे.
0 0 0 0
कोणत्याही टिप्पण्या नाहीत:
टिप्पणी पोस्ट करा