मुंबई, दि. 5 : होळी व धुलिवंदन सणाच्या दिवशी कुठलेही
व्यसन न करता या दिवशी कायमस्वरुपी व्यसनमुक्त राहण्याची प्रत्येकांनी
प्रतिज्ञा करावी, असे आवाहन व्यसनमुक्ती कार्यमंत्री शिवाजीराव मोघे यांनी होळी व
धुलीवंदन सणानिमित्त नागरिकांना दिलेल्या शुभसंदेशात केले आहे.
श्री. मोघे यांनी
शुभसंदेशात म्हटले आहे की, पर्यावरणाची
जपणूक करीत व्यसनमुक्त राहण्याचा संकल्प करून धुलीवंदनाचा आनंद लुटावा.
आजच्या काळातील तरुणाईकडून व्यसनांचा वापर करून धुलिवंदन सण साजरा करण्याची प्रथाच
पडली आहे. व्यसनांच्या दुष्परीणामामुळे अनेकांना आपले प्राणही गमवावे लागतात.
होळीचा सण दुष्प्रवृत्तींचे दहन (त्याग) करण्याचा दिवस असतो. अशा दिवशी प्रत्येकाने
`मी, होळी व
धुलिवंदन सण नैसर्गिक रंगाचा वापर करून व व्यसनमुक्त राहून सणाचा आनंद द्विगणीत
करेन` अशी प्रतिज्ञा
करून समाजापुढे एक वेगळा आदर्श निर्माण करावा असे आवाहनही श्री. मोघे यांनी
शुभसंदेशात केले आहे.
0
0 0 0 0
कोणत्याही टिप्पण्‍या नाहीत:
टिप्पणी पोस्ट करा