मुंबई, दि. 3 : निसर्गमय रंगपंचमी साजरी करण्यासाठी पर्यावरण विभागांतर्गत कार्यरत पर्यावरण माहिती प्रणाली (ENVIS) केंद्राद्वारे पर्यावरणपूरक रंगांची उपलब्धता 5 व 6 मार्च रोजी मंत्रालय व मंत्रालयीन परिसरात करून देण्यात येणार आहे.
रंगपंचमीसाठी वापरण्यात येणारे रंग हे घातक धातू व अन्य रासायनिक पदार्थांचा वापर करून बनविले जात असल्याने ते मानवी आरोग्यास अपायकारक तर आहेतच शिवाय ते पर्यावरणासही घातक ठरत आहेत. अशा रंगाच्या वापराऐवजी नैसर्गिक रंगांचा वापर करणे हितकारक आहे.
पर्यावरण विभागाकडून आयोजित केलेल्या
या उपक्रमात हळद, लिंबू रस, तांदूळ पीठ, जास्वंद, निर्गुडी, नीळ ग्लिरीसिडिया या वनस्पतींची पाने इत्यादी नैसर्गिक घटकांपासून हे रंग बनविण्यात आले आहेत. हे रंग पुणे येथील इकोएग्झिस्ट (Ecoexist)
या संस्थेमार्फत बनविण्यात आले असून पिवळा, लाल, हिरवा, निळा, केशरी रंगांच्या प्रत्येकी 50 ग्रॅमची पाकिटे उपलब्ध आहेत.
0
0 0 0
कोणत्याही टिप्पण्या नाहीत:
टिप्पणी पोस्ट करा