मुंबई,
दि. 29 : डी. एल. एड्. प्रथम वर्ष राज्यस्तर (30 % मराठी माध्यम) प्रवेश
फेरी 1 जुलै 2015 पासून आणि विभागीय स्तरावरील (70 % शासकीय
कोट्यातील) प्रवेश फेरी
2 जुलै पासून श्रीमती एस. के. सोमैय्या ज्यु. कॉलेज ऑफ एज्युकेशन,
विद्याविहार (पूर्व) मुंबई या प्रवेश केंद्रावर सुरु होत आहे. यासाठी प्राप्त आवेदनपत्रांची
चेकलिस्ट कम मेरीटलिस्टपरिषदेच्या www.mscert.org.inया संकेतस्थळावर
उपलब्ध आहे, असे सचिव, मुंबई विभाग डी.
टी. एड्. प्रवेश निवड, निर्णय व नियंत्रण समिती तथा शिक्षण निरीक्षक बृहन्मुंबई
उत्तर विभाग यांनी कळविले आहे.
डी.एल. एड्. प्रथम
वर्ष प्रवेश फेरी 2015-16 वर्षासाठी मुंबई
विभागाची सविस्तर प्रवेश प्रक्रिया कार्यक्रम पुढीलप्रमाणे
मराठी –
कला/विज्ञान/वाणिज्य/एम.सी.व्ही.सी. (राज्यस्तर) या माध्यम/शाखेसाठी बुधवार 1 जुलै
रोजी सकाळी 9.00 ते सायं. 5.00 पर्यंत राखीव संवर्गातील 44.50% गुणांपर्यंतचे
अर्ज केलेले सर्व पात्र उमेदवार, खुला संवर्गातील 49.50 % गुणापर्यंतचे
अर्ज केलेले सर्व पात्र उमेदवार, तसेच मुंबई विभाग वगळून इतर विभागातून इयत्ता बारावी उत्तीर्ण
झालेल्या परंतु मुंबई विभागात प्रवेश घेऊ इच्छिणारे व तसा अर्ज केलेले मराठी माध्यमाचे पात्र
उमेदवार यांनी उपस्थित रहावे.
मुंबई विभाग विभागीय स्तरावरील मराठी-विज्ञान/वाणिज्य/एम.सी.व्ही.सी.
या माध्यम/शाखेसाठी गुरुवार दि. 02 जुलै मराठी-कला या माध्यम/शाखेसाठी शुक्रवार 3 जुलै रोजी इंग्रजी-विज्ञान/कला (Pure Medium) या माध्यम शाखेसाठी शनिवार दि. 4 जुलै रोजी, इंग्रजी-वाणिज्य/एम.सी.व्ही.सी. (Pure Medium) तसेच इंग्रजी-कला/वाणिज्य (Other
Medium) या माध्यम/शाखेसाठी रविवार दि. 5 जुलै उर्दू-वाणिज्य/विज्ञान/एम.सी.व्ही.सी.
तसेच हिंदी-कला/वाणिज्य/विज्ञान/एम.सी.व्ही.सी. या माध्यम/शाखेसाठी सोमवार दि. 6
जुलै रोजी उर्दू-कला या माध्यम शाखेसाठी 7 जुलै 2015 रोजी सकाळी 9.00 ते सायं.
5.00 यावेळेत राखीव संवर्गातील 44.50 % गुणांपर्यंतचे अर्ज
केलेले सर्व पात्र उमेदवार तसेच खुल्या संवर्गातील 49.50 % गुणांपर्यंतचे अर्ज केलेले सर्व
पात्र उमेदवारांनी श्रीमती एस. के. सोमैय्या ज्यु. कॉलेज ऑफ एज्युकेशन,
विद्याविहार (पूर्व), मुंबई-400077 येथे उपस्थित रहावे.
000000
कोणत्याही टिप्पण्‍या नाहीत:
टिप्पणी पोस्ट करा