धुळे, दि.30:- राज्य शासनाचे विविध
लोकाभिमुख निर्णय, शासकीय कार्यक्रमांची माहिती जनतेपर्यंत पोहोचविण्यासाठी माहिती
व जनसंपर्क महासंचालनालयाच्या धुळे जिल्हा माहिती कार्यालयाचा ब्लॉग सुरू करण्यात
आला आहे.
सोशल
नेटवर्किग साईटची लोकप्रियता आणि वाढता वापर लक्षात घेऊन आणि माहिती व जनसंपर्क
महासंचालनालयाचे महासंचालक चंद्रशेख्रर ओक यांच्या सोशल मीडियाचा अधिकाधिक वापर
करण्याच्या आवाहनावर जिल्हा माहिती अधिकारी ज्ञा.ना.इगवे यांच्या संकल्पनेतून
जिल्हा माहिती कार्यालयाचे स्वतंत्र ब्लॉग पेज www.diodhule.blogspot.in हे तयार करण्यात आले आहे.
जिल्हाभरात
होणारे विविध शासकीय कार्यक्रम,यांच्यासह जिल्ह्याच्या दौ-यावर येणा-या मान्यवरांच्या
कार्यक्रमांचे वृत्त व दर्जेदार छायाचित्रे माध्यामांपर्यत तसेच जनतेपर्यत
पोहोचविण्यासाठी या ब्लॉगचा उपयोग होणार
आहे.
जिल्हा
माहिती कार्यालयाच्या वतीने सामान्य जनतेच्या माहितीसाठी माध्यमाद्वारे प्रसिध्द
केलेल्या विशेष बातम्या, छायाचित्रे, लेख, मा.मंत्री महोदयांचे दौरे, शासनाशी
संबधीत विविध कार्यक्रम, बैठकांची वार्तांकने, शासकीय योजना, यशकथा या पेजवर
वेळोवेळी अपडेट केली जातात. तरी या ब्लॉगचा जास्तीत जास्त लाभ घ्यावा, असे आवाहन
जिल्हा माहिती अधिकारी ज्ञा.ना.इगवे यांनी केले आहे.
00000
कोणत्याही टिप्पण्‍या नाहीत:
टिप्पणी पोस्ट करा