धुळे, दि. 30 :- जर निवासी आणि कृषि
मालमत्ता ही पती, पत्नी, मुले, नातू, नात, मरण पावलेल्या मुलाची पत्नी यांना
बक्षीस दिलेली असेल तर, आकारणी योग्य शुल्काची रक्कम दोनशे रूपये इतकी असेल, असे
महाराष्ट्र राज्य मुद्रांक अधीक्षक (मुख्या) तथा सहनोंदणी महानिरीक्षक यांनी
प्रसिध्दी पत्रकान्वये कळविले आहे.
महाराष्ट्र
शासन राजपत्र असाधारण भाग चार दि. 24 एप्रिल, 2015 नुसार महाराष्ट्र अधिनियम
क्र.20/2015 अन्वये महाराष्ट्र मुद्रांक अधिनियमामध्ये अनुच्छेद 34 मध्ये नवीन
परंतुक दाखल करण्यात आले आहे. त्यानुसार
असे स्पष्ट करण्यात येते की, महाराष्ट्र प्रांतिक महानगरपालिका अधिनियम, 1949 च्या
कलम 127, महाराष्ट्र नगरपालिका अधिनियम, 1965 च्या कलम 147 व महाराष्ट्र जिल्हा
परिषद व पंचायत समिती अधिनियम 1961 मधील कलम 158 अन्वये स्थित असलेल्या
मालमत्तेच्या मूल्यावर एक टक्का या दराने अधिभार आकारण्यात येईल. तसेच नोंदणी अधिनियम 1908 नुसार देणगीच्या
संलेखास मालमत्तेच्या मूल्यावर एक टक्का या दराने जास्तीत जास्त 30 हजार
रूपयांच्या कमाल मर्यादेस अधिन राहून नोंदणी फी आकरण्यात येईल, असेही पत्रकात नमूद
केले आहे.
000000
कोणत्याही टिप्पण्‍या नाहीत:
टिप्पणी पोस्ट करा